Im Summer heimer nume wenig Events,
aber sicher niemer verpents.

Wasserskifahre und Wandere ghöre sicher derzue,
ou der Europapark hed vor der JO Brienz nid immer Rueh.

Im Herbst starte mier üsi Trainings ir Halle,
mit ganz vil Abwächslig und Spass aber nie ohni Unihockey-Balle.

Mit der JO Axalp und der JO Hofstette heimer nämlech albe es Unihockey-Turnier,
da kämpfe mier ume Sieg wiene Stier.

Ir Altjahrswuche geits de ändlech ufe Schnee,
dä vermisse mier nämlech im Summer je lenger je meh.

A de Samstige tüemer a üsere Ski-Technik fiele,
und oft ou i de Stange trainiere.

Drü Mal heimer ir Saison es JO Wuchenend,
das isch immer bleger tschend.

Gäge d’Hasler fahremer albe a dä Animationsrenne,
und nach es par Mal wirdme Konkurrenz ouscho kenne.

Zum Abschluss heimer albe üses Familieskirenne mit Mueti, Ätti, Gotti, Götti etc., wo Differenz zwüsche de Chind und Begleitig mues möglechscht chli si,
damit me vore cha derbi si.

Und ds Wichtigschte da dra,
isch dasmer zäme cooli Stunde chöi ha.

Mier freue üs uf ganz vil neui Chind zwüsche der 1. und der 9. Klass!
Informatione und Fotos zu üsne Aläss findet Ier uf üsere Homepage: www.jo-brienz.ch

Verein

JO Brienz
Schybergweg 18
3855 Axalp

Postadresse:
Birgisgasse 12
3855 Brienz

Tel. 079 918 02 82
Website

Kontakt

Elena Michel
jo-brienz@hotmail.com

Lokalität

Schyberghütte, Axalp

Mitgliedschaft

Wir freuen uns auf Kinder von der 2. bis und mit der 9. Klasse.